字體：
[轉貼]一個典型香港人
有一个人
搵5-6千蚊一个月
出去租间最平的旧楼都要4-5千蚊一个月
然而包租婆自己供都係二千零蚊一个月
想同佢投诉
佢话呢区间间都係收紧呢个价钱架喎
边个叫你无钱俾首期呀？有钱就买左佢唔好租oY
一份人工大半就咁俾包租婆赚左
点生活??
呢个人识左个女朋友
小俩口一齐返工
加埋有二万零蚊一个月
决定同番屋企人住慳ｄ钱
每人俾四千蚊屋企人做家用
净番万二
当储到一万蚊一个月
一年储到十二万
五年先储够60万可以够俾首期买层四百零呎的旧楼
点生活？
小俩口决定结婚
每个月储紧一万
头五年用左黎储钱俾首期
储多两年应该都够装修
再储多三年先够36万用黎结婚摆酒
摆完d三姑六婆仲要话你o係新光酒楼摆酒咁cheap
单单打打你地一世
点生活？
小俩口唔想捱成十年先结到婚
决定偷偷地註册左先
搵银行按上按买左层楼
仍然要俾十份一楼价做首期
而层楼的十份一係窗台。
650呎单位实用面积係500呎
当中100呎係走廊
厨房只係放到一个煮食炉同洗衣机
个雪柜要放出厅
个厕所要企上个塔度先閂到门
呢层咁o既楼每个月要供$8000
加埋$8000俾左屋企
净番四千零
个老婆话：「我慳ｄ驶, 呢几年唔买衫, 唔去旅行, 我地少d出去食饭, 总捱得
到o既」
点知买楼果时唔记得计埋管埋费
sorry呀我地公司公价每呎係两蚊管理费
四千零咁又冇左千五
仲係用黎养门口果个日日对你黑口黑面成日偷懒训觉o既看更
同埋管理处果位从来乜都帮唔到你日日返工打牙较o既小姐
计埋水电冷气费
点生活？
小两口捱下捱下终於捱左十年
呢十年计埋净係加左十零%人工
小俩口已经好满意
如果加得太多佢地反而惊公司会搵佢地开刀请过ｄfresh grad黎做
二按果笔已经还晒
每个月总算可以多番三四千蚊用ｄ
呢个时候，个老婆发觉自己大左肚
但层楼仲有15年要供
份工又唔知几时会冇左
如果生左个仔
点生活？
又过左五年，小俩口变成老俩口，差唔多四十岁了
个仔先三岁大
出街有时会俾人问「你个孙呀？好趣致喎！」
呢个时候，佢地搵紧唔够三万蚊
但一年就要交成二万几蚊税
佢地发现每年有十份一人工係用黎救济ｄ新移民
同埋养ｄ综缓阿伯返大陆叫鸡包二奶
同个仔去报小学
隔离左右个个都係操不纯正广东话但能操流利广东粗口的新移民师奶
睇住佢地ｄ细路o係地下度玩吐痰了鼻屎碌地沙
呢个时候，小俩口开始唔想个仔入一间咁o既学校，同ｄ咁o既细路做同学
虽然自己一路交紧税去维持九年免费教育
但佢地都放弃左呢个公民权利
於是决定报间私校
每个月又唔见左几千蚊
点生活？
又过左十年，老两口五十岁，层楼终於供完了，二人升左做middle managers
计埋有五万蚊一个月
一年交八万蚊税。
间屋装修过一次。
每个月都要整下d水喉窗台渗水咁
养左只狗。
买左架车。
过去廿年，
去过八次旅行，
当中六次係返大陆。
而家佢地个仔十三岁
俩口子开始安排送个仔出国读书
计计下
每个月食宿连学费就冇左万五蚊
但为左佢的將来无计，
唔係个仔第日大左
点生活？
五年后，俩口子五十五岁，
依然搵五万蚊一个月，无俾人开刀减薪算係好好。
佢地个仔18岁，
报到一间不太差又不太好的大学，
每个月住宿驶费连学费无左二万几。
个老婆晚晚要捱住个仔，成日喊，无心情同老公做爱。
每个月二千蚊长途电话费
当中3/4，係个仔用黎打电话俾佢香港ｄ女朋友。
老婆要求每年圣诞去美国探个仔一次
个仔每年暑假返黎一次
机票连外地驶费每年无左五万蚊
你仲要发觉你个仔ｄmileage多过你
次次返香港都upgrade上business
你俩老就捱15个钟economy class去探佢。
呢个时候，老俩口本应仲有十年就退休
俩口子发觉除左强积金之外佢地无任何储蓄
银行长期保持30000左右结余 - - - 係仅仅够佢地一个月生活的开支
而且佢地公司业务就麻麻
一个唔小心隨时连份工都无埋
点生活?
又过左十年，老俩口退休了
佢地个仔刚刚master毕业
返左黎香港搵工
俩口子大喜。
今日个仔同ｄ中三毕业中五毕业中七毕业本科毕业的
一齐见紧份5-6千蚊的工
见工果时仲要俾人润一句
你咁好学歷，我地呢份工惊屈质左你喎
个仔越见越惊
开始后悔出国读书
同后悔无工作经验
结果呢份工请左个中三毕业o既。
呢份工，係叫做management trainee.
连工都搵唔到，
点生活？
两星期后，老俩口开始考虑要唔要做番野
呢个时候个仔收到电话叫佢开工
原来之前果份工个个都唔做，
中三果个有六年工作经验，搵到第份万二蚊的工
中五果个有四年工作经验，搵到第份一万蚊的工
中七果个有两年工作经验，搵到第份八千蚊的工
本科毕业果个返左去读master
结果呢个外国返黎的硕士生就做左一份5-6千蚊的工
点生活？
最后
请回到本文头一行~
